Dialettali 27 marzo 2018 · lettura 2 min · 909 letture

L + Segui

"Tabàca to nona," ’l me diséa ‘l pòro Pianèla, e po’ l’éra véra che la tabacàa. De sondon la se ‘nfilàa a- drìo a na galina sul puinar, la diséa che la vol sentir se la ga l’ovo da far, ma, ‘nvésse l’éra che là sconta la podéa darghe na bela tirà. Tuti i le saéa e tuti i taséa, e, ela la staséa senpre pì ben! Coando son n’à a soldà prima de partir gò domantà: "Nona, ma parché tabachito?" E par tuta risposta la m’à dito: "Me bupà ‘l m’à lassà ‘n eredità... fa de tuto par érghe almanco coatro prése par ‘l naso ogni dì, te vedaré che la salute te ghe l’è senpre da la to parte. Caro mio, na preséta tirà su ben la te vèrse le vene e i polmoni, ’l mal de testa ‘l te stà distante e, ‘l servel te’l sènti lidéro. ciàpete ‘sta scatoléta, tegnéla con tì ogni dì, se te resti ‘n bona salute, le montagne su là alte te le vedarè ogni dì piassè bele." Par la to me vita da alpin. Le parole de la nona tabacona, i’è stè sante e tanto vére.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu