Dialettali 28 marzo 2018 · lettura 1 min · 1642 letture

L + Segui

Col ritorno de l’olièla giràa nel’aria la Pascoa e coesto voléa dir: ùdor de brassadèla. La passion de le mame de farla assè bona, faséa sì, che le so face le se ‘npienéa de luce, l’éra come ‘l mistero de la ressuression del Cristo! No’ gh’éra scarpe noe o vestiti de gran firma, ma le canpane le te ciapàa par man, e nessun, poaréto se sentéa. E la Pascoa ‘n te’n fià la passàa. E al lùni, altro sacossanto dì, nel prà de drìo la contrà, gh’éra i ovi coti duri, con la graspìa dolsa del Recioto e i noni e i sii e le butele che le cantàa cansoni: mèse a la Madona e le altre mèse a i morosi. E calàa rossa la séra portando a bearàr le bestie a la fontana e prima de nar ‘n leto ’ndàimo a sercar le scarpe vèce e le braghe dure e ‘ntassèlè.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu