Dialettali 8 aprile 2018 · lettura 1 min · 1414 letture

+ Segui

Festa sullena è nn’a terra di Sicilia. Zàara e mennuli juruti addruviglianu la menti ccu dunci pinzera, mentri l’occhi punziddrati di mari e celu, sullevanu dall’aqua versi d’oru, paroli d’amuri ppi ritruvari la vita passata. Penzu e leggiu storia antica, storia d’usanza e tradizini ca ficiru rigina a terra du suli. L’usanza du carrettu sicilianu è ‘nna gioia c’accarizza, trasi intra li me vini e la tegnu cusuta cu filu di sita. Traspurtava merci d’un paisi all’antru, caminava ‘mmenzu li campi e li vaddruna, ’mmenzu viottuli e stratuna. Era tingiutu di milli culura, matriperla lucenti ‘ncastunava vardeddra e sponti. Ricordu a notti di natali quannu s’acchiava a pupa di zuccaru e lu cavalligeri, un velu di tristizza scinni o cori, si penzu ca ppi fami si vulivanu mangiari, ma... nna cristallera sposti avianu a stari. Chissi fannu parti d’a maistria di ddru tempu, quannu amuri, arte e splinduri tuccavanu ù pararisu.

#Cielo#Sole#Occhio#Arte#Natale

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Maria Assunta Maglio

Insegnante di scuola dell'infanzia ho amato,ed amo la mia professione,intesa come missione di vita.Da sempre ho avuto il pallino di scrivere poesia,amo leggere e confrontarmi.Opero come volontaria,presso la Caritas e Centro di Ascolto parrocchiale.La mia indole è : amare il prossimo aiutare il debole e il bisognoso.