Poesia

Poesia, cosa minore e manna tantu chi pienat de s’ intimu sentire onzi piega, sempre, a non finire, de immaculadu gosu e de ispantu. Poesia mai cumpresa e mai finida, che un’ accisu coglidu in gioventura, poesia, lughe de palpitos e pura nobbilesa ch’ illuminat sa vida. Poesia, maligna amante, e bertudosa idea chi ponet s’ animu a penare, arveschida de sole intro su mare, a pustis sa nottada tempestosa. Poesia chi non resesso a mentovare sena sentidos limpios de s’ amore, poesia, carignu e pallidu lugore cando su tempus ponet a pensare. Poesia pro te ch’ as cherfidu bolare intro s’ eternu ispaziu ‘e su dolore, e deo mi frimmo inoghe a ti cantare comente essere abberu cantadore.