Lu bagagliu

Quannu si parti pi ‘na vacanza lu bagagliu avi a so ‘mpurtanza. Lu bagagliu, comu n’abitu firmatu a misura du padruni fu disignatu ... Ma ‘nu mari di discursi ‘nta famigghia avi purtatu. Du poviru guardaroba paci nun avi truvatu... Quannu ‘ntra l’armadiu beddu rilassatu, quannu ‘nta lu bagagliu, muvimintatu... Prontu pi esseri ‘mbarcatu, a casa fu lassatu, lu pisu avia sfuratu Ogni testa ‘nu partitu: cu da lu bagagliu striminzitu, fu sirvitu, Cu ccumpagnatu da ‘nu valigiuni, n’armadiu a quattru stagiuni, bonu p’ogni occasiuni... Ma l’imprivistu nun cunusci ragiuni! Lu cristianu risirvatu, stancu di li discursi c’avia scutatu, distinazioni avia canciatu. Megghiu sulu, ca mala ‘ccumpagnatu.