Dialettali 21 maggio 2019 · lettura 2 min · 2866 letture

+ Segui

Haiu cuntatu li stiddi ’nta na notti scura ca nun vuliva finiri haiu parratu ristannu sulu taliannu lu celu ‘mmaculatu e nuru pinseri sempri cchiù niuri s’hannu addumatu e intra lu focu ri nautru munnu pi’ manu m’hannu purtatu. Staiu criscennu ma vulissi turnari narrè p’abbrazzari me patri e pi’ dirici quantu ci vuliva beni. Nun mi manca nenti... haiu puru li figghi ma a so vuci è nu beni ranni mancanu i so risati ‘na ricchizza ca nun si po’ cuntari comu quannu mi circava e cu l’occhi mi parrava e ju, nun ci faciva casu dannu tuttu pì scuntatu lu tempo pariva fermu e l’anni nu jocu ammentri i jorna passiavanu silinziusi e dispittusi e ùora ca sugnu crisciutu capisciu e mi rennu cuntu ri lu ranni amuri c’haiu ricivutu ri li pinseri c’haiu datu e nun pozzu rimidiari nun pozzu diri nenti mi sentu comu nu picciriddu e vulissi sulu chianciri... m’ haiu li capiddi janchi chi ponnu diri li cristiani chi ponnu pinsari... mi ni futtu oggi chianciu pì sfugarimi chianciu picchì mi manca... mi manca lu fischiu ri me patri mi manca lu so’ sciavuru la so’ manu, la so’ facci quannu mi chiamava Jacupu p’esseri ‘iutatu ma nun potti fari nenti e iddu, chiuriu l’occhi e darrè nu marmuru, friddu e jancu s’ammucciò pi’ vulari pi’ nun soffriri cchiù lassannumi cu nu duluri ca nun si vo’ ‘stutari duluri accussì ranni ca nun rinesciu ad ammaestrari ... e l’anni passanu passanu cu lu so ricordu cchiù vivu chi mai e cu nu cuddari ri lacrimi lacrimi pì sempri amari...

#Padre#Tristezza#Piangere#Morte#Malinconia

♥ 6 💬 4

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Giacomo Scimonelli

Sono nato il 15 giugno 1971 a Saronno in provincia di Varese e dall’età di 13 anni vivo a Caltagirone in provincia di Catania. Sono educatore presso una comunità di minori da ventisei anni e amo il mio lavoro. Ho due figli che adoro. Amo la quiete ed il silenzio. Scrivere mi aiuta a sentirmi meglio quando la tristezz