Impressioni 1 luglio 2019 · lettura 1 min · 1424 letture

+ Segui

Sì beddra terra mia! Sì arti, cultura e dunci puisia, suli e mari sunnu a tò ricchizza ca coglinu li cori e li pinzera di pueta e artista. Guttusu pitturi d’ogni tempu, vonzi tingiri ‘ncapu a tila "A Vucciria", crucivia di ricordi... e faticusi mistera. Stu dipintu è vuci du matinu, è gridu e cantu ca trasi nni li cori, è armunia di javuru e sapuri ca la miseria e stanchizza fa scurdari. Si vidinu occhi di fimmini e carusi taliari bancareddra ‘ncantati, mentri cesti di vimini ‘ntrizzati, mantennu stritti frutta e virdura, brocculi virdi comu l’aglia, ca jettanu nni l’aria javuru di frischizza. C’è u pisci appena nisciutu d’ammari, ancora vivu sciddrica e scappa di li mani. Chissa è la vita da vucciria! Pirsuna ca caminanu, pirsuna ca mangiannu mentri cuntanu li fatti da jurnata. Ma... c’è lu sunnari ca nu’ mori comu li culura e li sintimenti di ddra beddra tila.

#Frutta#Arte#Artista#Cuore#Profumo

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Maria Assunta Maglio

Insegnante di scuola dell'infanzia ho amato,ed amo la mia professione,intesa come missione di vita.Da sempre ho avuto il pallino di scrivere poesia,amo leggere e confrontarmi.Opero come volontaria,presso la Caritas e Centro di Ascolto parrocchiale.La mia indole è : amare il prossimo aiutare il debole e il bisognoso.