Dialettali 6 maggio 2020 · lettura 1 min · 1235 letture

+ Segui

Sì mamma quanno ‘o cielo fa paura e tutta sta ‘ntrunaglia nun’a cure... T’astrigne sulamente ‘o figlio ‘mpietto e l’appulizze ‘o musso c’o sarvietto. Sì mamma quanno ‘o juorno fa ‘o malato e tu nun chiagne ca’ te sì ‘mparato ca ‘o sole nun ‘nce scarfa pe’ piacere e ‘a notte nun se sceta pasticciere. Sì mamma quanno ‘a sacca è pellerina e scinne miez’a via a fa’ ‘a mappina e saie ca si te tocca ‘e quaglia’ ‘a neva t’a mitte a trapana’ cu tutt’a freva. Sì mamma quanno ‘o core si spellecchia e ‘a vocca nun’a sente manco ‘a recchia e ‘o sango ca putesse fa’ ‘o signore continua a parpetia’ e chesto è ammore.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese