Me stuto e m’appiccio
Peppe Cassese
2167 poesie pubblicate
+ Segui
Me stuto e m’appiccio
m’appiccio e me stuto
e mo’ ‘nzallanuto
me sento sasiccio.
M’arrogno e m’arrriccio
e me mette a canta’
ca è tutto nu ‘mpiccio
e nun pozzo stagna’.
Sì bello sì ‘nzogna
sì comme a bannera
sta freva me pogna
sarrà primmavera?
Nu fieto na mossa
nu ‘nzirio schiattuso
nu pere int’a fossa
nu chianto piatuso.
Nu zurdo na fronna
na perchia stizzosa
sta smania è na gronna
cchiù spina ca rosa.
Pe’ chesto e pe’ chella
chi parla sta zitto
me votta ‘a manella
e se cerca nu titto.
Pe’ chella e pe’ chesto
scanzanno ‘a miseria
me spoglio e me vesto
e me metto ‘a sciammeria.
M’appiccio e me stuto
me stuto e m’appiccio
e mo’ s’è chiaruto:
sta vita è nu piccio!
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
La bacheca della poesia
Le sensazioni lasciate dai lettori.
Una canzone tra allegria e malinconia. (Tonia La Gatta)
Si potrebbe reppare. (Jo Kondelli Ghezzi)
Che fantasia! (Giuliano Esse)
Puro spettacolo. (RitaLM)
Commenti (0)
Accedi per lasciare un commento.Accedi
Ancora nessun commento. Scrivi il primo!