Dialettali 3 marzo 2021 · lettura 2 min · 845 letture

C + Segui

Me so scetate cu ‘na malincunia, ca m’accumpagna da almeno tre semmane, da quanne è scuppiata ‘a pandemia e sta tremmanno tutto ‘o munne sane. ‘E genitore stanne luntane a ‘e figlie; ‘e nonne chiù nun vedeno ‘e nipute. Fora ‘e negozie nasceno scumpiglie e mmieze ‘a vie ‘a gente cerca aiute. Dinte ‘e spitale ormai nun c’è cchiù poste! ‘E miedece nun sanno a chi curà e diceno ‘e sta ‘a casa a tutte ‘e coste, che è l’unica manera ‘e nce salvà. Nce sta ‘nu virus assaje cuntagiose, ca d’ ‘a corona tene sulo ‘o nomme. Ma è ‘nu nfamone e assaje pericolose e te s’attacca senza sapé comme. E je penzo a quanno a mmare steve, piglianno ‘o sole ‘ncoppa ‘na seggia a sdraje: ero felice ma nun ‘o sapeve... Chi tene ‘e ccose nun l’apprezza maje. ‘Na lacrema me bagna chianu chiane. Pe nun farme vedé d’ ‘a figlia mia, ampresse me l’asciutto cu ‘na mane e ‘nfaccia a me ritorna l’alleria. Essa fa parte ‘e chella schiera ‘e sante ca ogni juorne pe ll’ate rischia ‘a vite, rialanno ‘nu surrise a tutte quante, curannele finché nun so guarite. E, mentre cu ‘nu sguardo m’accarezza, me dice ‘e m’affaccià fora ‘o ciardino: dinte a chilli uocchie tanta tenerezza! Senza paura a essa m’avvicino Me fa addunà ca ‘o melograno è ‘nfiore, ca ‘o vierno a nuje ormai nce ha abbandunate. E’ ‘a primmavera, ca ‘nce fa bene a ‘o core, ca dà speranza a chi sta preoccupate. E’ sta speranza ca me fa curaggio, che guarirà cu ‘o tiempo ogni ferita ca me farrà apprezzà cchiù ‘e rrose a Maggio e tutte ‘e ccose semplice d’’a vita.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Carlo Sommonte

Lavoro nella pubblica amministrazione, ma mi diletto a scrivere poesie da quando ero ragazzo. Il mio genere è dialettale, ma ho scritto anche qualche prosa in lingua. La maggior parte delle mie poesie, a sfondo d'amore, è dedicata alla mia unica e attuale moglie, ma spesso scrivo anche per descrivere momenti importan