‘O vico d’’a funtana

‘Ncoppo ‘e mmure ‘e stu quartiere stanno ancora ‘e stessi nommi scritte ‘nzieme allucche ‘e mamma me ricordo fosse ajere. Mille lire dint’a sacca rappezzata d’’a miseria p’accattà n’ata jurnata ‘na jastemma, ‘na preghiera. ‘Na partita sotto ‘e stelle... sempe spuorco ‘stu cazone nu pallone sott’’o vraccio me senteve Maradona. Cu e cumpagne, sempe ‘e stessi tutte frate ‘e miez ‘a via e chiagnevemo a Natale c’abbracciavamo e magia. Ma po’ a vita c’arrubbato e c’ha presentato ammore: M’abbastasse na jurnata pe’ sentì sultanto addore. M’è ricordo a ‘sti guagliuni ca me devono cunforto ce scagnavame e magliuni ce spartevamo na ciorta. Quantu tiempo ch’è passato dint’’o core ‘nu dulore miez’o vico d’’a funtana sento ancora stu rummore. Ma nun simmo nuje guagliuni e sti facce vanno a funno rritrattielle do destino spapagliati ‘ncopp’o munno.