Dialettali 26 gennaio 2022 · lettura 1 min · 961 letture

+ Segui

Ma tu che vuò scurda’? Ma tu che può scaca’? Songo miliune ‘e gente miliune cu miliune ca ‘o munno ha cancellato stu munno ca è malato c’a freva pe cumpagna c’a scusa ‘e na raggione merdosa e ‘nchiavecone. Ma tu che vuò annia’? Ma tu che può schiuva’? So’ facce addevecate so’ pielle scamazzate so’ femmene e criature spezzate comme a fronne c’o mare ‘e chesti onne cu tutt’a muccaria e chesta è storia mia. Ma tu mo’ che vuò fa’? Ma tu mo’ che può da’? Tu tienatìllo a mente e dillo a tutt’a ggente sia ogge che dimane senza scagna’ sti mane cu tutta quanta ‘a forza pecché chi ‘o vo’ neca’ nun sape sciaveca’! Ma tu mo’ che può di’? Ma tu ca saje luci’ arape sta jurnata e falla assaje ‘nturzata e scrive ‘ncopp’a carta chello ca dice ‘o core chello ca fa rummore ca tu nun può scurda’ ‘a ggente ‘e ogne Scioàh!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese