Dialettali 9 febbraio 2022 · lettura 1 min · 878 letture

+ Segui

L’ammore nun se mette a cumanna’ nun fa l’attore e manco fa ‘o reggista ma ‘ncopp’a scena se fa sempe ‘nnante l’ammore è commediante! L’ammore nun è suonno né prumessa nun ‘nguacchia storie né se fa ‘mbruglia’ ma canta ogne mumento e po’ te stona l’ammore te ‘ncurona! L’ammore nun te chiamma e nun te cerca nun penza ca sta vita è na guazzamma ma campa cu passione e fantasia l’ammore è frennesia! L’ammore nun cunfessa “tu sì ‘o mio” nun vole nun pretenne nun te spia ma te sta appriesso comme a nu sbentato l’ammore è nu surdato! L’ammore nun fa niente senza ‘e te nun gira nun se ferma e nun se stuta ma è forza ca se veste e maje se spoglia l’ammore nun te ‘mbroglia! L’ammore è chesta faccia chesti mmane è ‘o sale ‘e tutt’a vita...è chesta vocca ca appiccia e stuta l’anema c’o core. L’ammore è sulo ammore!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese