Dialettali 16 febbraio 2022 · lettura 1 min · 829 letture

+ Segui

Povere ’e quacche stella sotto a sta luna ‘nfosa ‘ncoppa a na faccia ‘e sposa dint’a na notte amara oiatosa e tarantara cu tante e troppe amice pecché a’ pare’ felice. Povere ‘e quacche stella sotto a nu cielo appiso ‘nfaccia a nu mare stiso dint’a sti mane ‘e viecchio ca jocano c’o specchio c’o sole d’a priezza ’nzurato c’a bellezza. Povere ‘e quacche stella ‘nfaccia a nu sperciacore ca va cercanno ammore ‘ncoppa a na strata nova ca tanta cose prova cu freve e nustalgia pecché sta storia è ‘a mia. Povere ‘e quacche stella ‘nfaccia a sta pazziarella c‘a avota a canzuncella pe di’ ca vò na vita schiattosa e ‘ncapunita e ‘a voglio cu curaggio pecché pe’ te sarraggio.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese