Dialettali 17 aprile 2024 · lettura 2 min · 577 letture

+ Segui

Pure si ‘a vocca nun fa cchiù cuncierto ‘o libbro ca se ‘nchiude resta apierto e ‘a penna ca ‘nce scrive dà sapore a chesta vita pe’ cagna’ culore. Pure si ‘o tiempo pare ‘mpertinente ‘o cielo ca tu lasse è cchiù cucente e abbruscia chistu juorno ‘e verità ca cerca ma nun conta ‘e te scurda’. Pure si ‘o core se fa despettuso ‘o sango s’annasconne e fa ‘o ‘nciaruso cuntento ‘e chistu tiempo attarantato ca ancora s’addimmanna comme è stato. Pure si ‘a chiocca gira e va a bannera e stuta ‘a luce quanno scenne ‘a sera tu siente ca c’ ‘o viento po' vula’ e ancora corre ‘e pressa a semmena’. Pure si ‘o piello enno smullacchiato ‘o tuosto stace ancora a fa’ ‘o malato e quanno sente addore ‘e na pastetta ci azzuppa ‘o pane e aiza sta bacchetta. Pure si ‘o culo spara na sentenza se mette a pazzia’ cu na pacienza ca te supporta tutta chesta gente mente ca ‘e notte torna a fa’ ‘o fetente. Pure si ‘e dete scrivono quaccosa ‘a carta s’è ‘mparata a fa’ ‘a ‘ntupposa e s’arricetta ‘a penna e sti parole ca songo justo cinche e senza sole.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese