Dialettali 1 maggio 2024 · lettura 1 min · 787 letture

+ Segui

E mo’ ca chistu juorno è ‘o cchiù chiantuto t’accuorge ca stu sole è assaie talluto pecché te sceta allero int’a matina e te cunzegna ll’ora sapatina... E curre pecché ‘a forza nun te manca e crisce pecché ‘o core nun s’allanca. E mo’ ca chesta vita chiamma forte tu vide ca t’accaglia tutt’ ‘e porte pecché int’ ‘e vene scorre na certezza ca ‘ntoscia ‘o viento pogne e t’accarezza... E guarda ‘nfaccia ‘o cielo cu dispietto e trova ‘a terra fresca ‘e l’arricietto. E mo’ ca chistu juorno è serenata tu cante e nun te ‘mporta ‘e fa’ ‘a nuttata pecché l’orchesta è atta a musechia’ e ogne piezzo sape accumpagna’... E ‘a voce saglie e scenne maniarella e ‘a vocca se fa doce e aggraziatella. E mo’ ca ‘a meglia vita te sta ‘nnante nuie ogge te vedimmo nu gigante pecché chi ‘ngarra ‘o sale int’ ‘a menesta è gente ca dà corda a spanto e festa pecché chi ‘a sciorta è bbuono a fraveca’ è ommo tutto ardenza e qualità!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese