Dialettali 15 maggio 2024 · lettura 1 min · 609 letture

+ Segui

E comme ‘o viento bussa e m’addimmanna ie cerco ‘e te truva’ chella risposta ca saglie senza scuorno e troppo costa ma ‘a vocca sparla e ‘o core cagna banna. E comme ‘o sole scenne e nun se mosta me pare ca s’abbruscia sta speranza aunita notte e juorno c’ ‘a mancanza ca nun me serve e ancora troppo costa. E allora chesta vita se spapanza dint’a nu suonno fatto ‘e magaria e alleramente enchie n’ata stanza e tanno va cercanno na Maria ’ncopp’a sta strata prena e sfrantummata vulenno piglia’ justo n’ata via. E chesta sciorta mia me pogne me guverna e fa ‘a malata e cerca ‘mmiezo ‘a gente na pupata.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese