Dialettali 29 maggio 2024 · lettura 1 min · 885 letture

+ Segui

‘A femmena è nu viento ca scioscia e dà turmiento na corza na scummessa na mano ca cunfessa ‘o ffuoco ‘a storia ‘o bbene ca schioppa dint’ ’e vene. ‘A femmena enno sciorta t’arape cielo e porta e joca c’ ’o destino ca parla po’ latino pe di’ ca tutt’ ‘o munno cu essa è cchiù retunno. ‘A femmena è nu chianto ‘e vote se fa schianto na famme ca te piglia ca dint’ ‘o sango sguiglia pecché quanno dà ammore te fa senti’ ‘o sapore e tu ca staje a sissanta t’ ‘a suone e po’ t’ ‘a cante. ‘A femmena enno neva... te squaglia pure ‘a freva... È pietto sempe tuosto è cielo ca te costa è suonno... serenata... è parte maje ‘mparata. ‘A femmena? Che lusso ‘o sole ‘ncoppa ’o musso ca scenne saglie e scorre e dint’ ‘o lietto corre e abbruscia juorno e notte ma po già ‘o saje: te fotte!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese