Dialettali 10 luglio 2024 · lettura 1 min · 582 letture

+ Segui

Sott’ ‘o sole ‘e chesta vita sto jucanno na partita ca me pare ‘a cchiù ‘mbrugliata pe me da’ na stennecchiata dint’ ‘a capa e dint’ ‘o core senza fa’ tanta rummore. Sott’ ‘o cielo ‘e stu mumento nun te veco e nun te sento e ‘a speranza ca fa ‘a pazza s’apprepara n’ata tazza pe da’ banna a na certezza pe fa’ chiagnere ‘a stracquezza. Sotto ‘e stelle ‘e chesta notte pure ll’ore se so’ rotte e se girano int’ ‘o lietto pe cerca’ n’ato arricietto e me ‘nzorfano “Fetente, statte accorto pe’ ‘ntramente!” Sotto ’a voglia ‘e me ‘mpetta’ nun me pozzo ‘ntravuglia’ pecché allero o guallaruso chistu tiempo è lepetuso e si sona ‘a campanella tengo pronto ‘a vesta bella.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese