Dialettali 21 agosto 2024 · lettura 1 min · 535 letture

+ Segui

Chistu tiempo ca è fernuto certo è mare canusciuto... Forte e allero ‘nfaccia ‘e scoglie cchiù se sbatte e cchiù arrecoglie. Nun s’agguatta nun se squaglia nun’è fatto p’ ‘a marmaglia... Quintassenzia ‘e chesta vita joca e vence ogne partita. Vucculona o trafecante te ‘ncurona oppure spanta e te pitta nu ciardino ca nisciuno po’ sciarma’! N’atu tanto n’atu ciento tutt’ammore e ‘ncantamiento... Robba ‘e lusso ca se trova quanno ‘o sanghe è luna nova. Abbasato e strellecato ‘ncatarrato o ‘nzuccarato n’atu tanto e tanto ‘e cchiù: basta ca rummane tu. Tutt’a vita... janca o nera c’ ‘a certezza ‘e chi po’ fa... Essa è comme a na bannera: cchiù se move e cchiù te dà!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese