Dialettali 11 settembre 2024 · lettura 1 min · 549 letture

+ Segui

‘A vita ‘a può ‘mpara’ na vota sola pe’ tutt’ ‘a vita n’attimo o cient’anne e ogne juorno essa te fa scola e t’apprepara ‘e passe e pure ‘e panne... Cammina ‘nnante areto ê vote ‘nzino facenno ‘ncoppa â terra ‘o pellegrino ma nun t’aspetta manco nu mumento e comme a niente corre e te turmenta e n’attimo addeventa na jurnata e ‘o juorno nnitto ‘nfatto già è passato e tu ca sì puntillo int’a stu mare attienne e tiene ‘o spiercio pe’ cumpare... Sul’essa te guverna e t’arrefonne ‘e mise ll’anne ll’ore miezo a l’onne ca ‘o viento fa sbaria’ ‘ncoppa a sta terra e cchiù fa gire e cchiù cagliose afferra... e tu ca sì na fronna smancecata sbatte e t’appizze appriesso a sta pupata e ‘a strigne forte pure si è salata pecché te piace chesta sgallenata... ‘A vita ‘a può ‘mpara’ na vota sola pe’ tutt’ ‘a vita n’attimo o cient’anne e comme a na nennella sterliccata te chiamma e te fa ‘a meglia serenata!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese