Dialettali 26 settembre 2024 · lettura 1 min · 497 letture

+ Segui

So’ sfugliate o frantumaglia? Carna ‘e sfuorgio o pezzecaglia? C’hanno miso int’ ‘a guantiera: robba fresca o robba ‘e ajere? Chella ‘a tavola è apparata ma enno tutta mazzecata pecché justo na "si- loca" ca cchiù magna e cchiù se ‘nfoca ha ‘nciarmato cu mestiere c’ ‘o cchiù aspierto pasticciere. Po’ piglianno doie sciardelle meze smorte e chiastulelle ha scrivuto int’ ‘a cartella: "Songo ‘e meglie sfugliatelle." Chesta è arte... bella gente! Chesta è arte! Nun pe’ niente songo anne ca s’agguazza ca se regne ‘a sacca e smazza. Chesta è alta prufessione! Chesta è ‘a vita ‘e l’accattone! Vuò streppa’ sta mala pianta? Ce vò Ddio cu tutte ‘e sante... Vuò cagna’ sta strata storta? Tu t’a fa cchiù ‘e lloro accorto... T’a fa serpe lupo e jetto nun ci a dà tanto ‘e arricietto... Chesta è gente ca è scardona: tu... perciò: fatte vurpona!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese