Dialettali 9 ottobre 2024 · lettura 1 min · 436 letture

+ Segui

Cinquanta cu nu chiuovo e na curnice ‘nfaccia a stu muro ianco comm’ ‘a vita peggine amare e doce... margarita ca spanne ammore e fede a core e amice. Cinquanta zittu zitto ‘a ggente dice ‘ncopp’a sti spalle e po’ quacche ferita jucanno notte e juorno sta partita ca dint’ ‘o sanghe porta ‘a cicatrice. Cinquanta beneritte e assai vullente c’ ‘a freva ca se chiamma scappatella c’ ‘o bene c’ ‘a speranza e ‘o malamente c’ ‘a voce ‘e na campana sentenella ca segna chistu juorno alleramente cusennno cinquant’anne a sta nennella. E chesta palummella me dice che ‘ntramente zompa e vola e cu sta vocca santa ce cunzola!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese