Dialettali 23 ottobre 2024 · lettura 1 min · 608 letture

+ Segui

So’ lacreme so’ chiante so’scunnietto ca a poco a poco ‘ncrostano stu pietto e danno a chesta faccia ‘a fauzaria ca o ‘e riffe o ‘e raffe cchiù nun pare ‘a mia. So’ prete songo fierro so’ ‘ntrunate ca appriesso appriesso vonno cagna’ pate e mettono int’ ‘o fuoco na madonna ca ‘nzicco ‘nzacco s’ammappina ‘a gonna. So’ risa so’ cantate so’ feneste ca aummo aummo cchiù nun danno ‘o riesto e scarfano c’ ‘a freva chesta sciorta ca a tiempo a tiempo m’ ‘a araputo ‘a porta. So’ verze so’ parole semmentelle ca zittu zitto comme a zavanelle se ‘nfruciano scavanno dint’ ‘o core e cuoncio cuoncio scagnano ‘o culore.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese