Dialettali 4 dicembre 2024 · lettura 1 min · 633 letture

+ Segui

E viene puntualmente a me ‘nzurda’ areto ‘e laste ‘e sta nuttata amara e ancora nun cuntenta ‘e pezzeca’ te miette a fa’ int’ ‘o lietto ‘a pertusara. E ie ca pozzo ancora spanteca’ me sento comme a varca ‘e na purpara ca l’onne vonno assieme sbacchettia’ c’ ‘a smania sempe pronta ‘e na janara. E ‘o tiempo ca se sbroglia prenzuluso me chiamma cu sta luna attarantata e traso allero e aesco ‘ntussecuso e ‘a vocca ca te parla c’ ‘o stentato s’affaccia mente ‘o core sta annascuso e dice stantemente: “che sbentato!” Voce rotta ‘e scuitato te sento te canosco e te spalommo e dint’ ‘a notte faccio ‘o faccirommo.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese