Dialettali 11 dicembre 2024 · lettura 1 min · 460 letture

+ Segui

È pane ca magnasse ogne matina è doce ca accumpare int’ ‘a vetrina e me ‘mbriaca cchiù d’ ‘a tremmentina... È suonno ca nun cerca nu lettino è famma ca me sazia ‘o sgabuzzino e nun me ‘ngrassa ma me sento chino... È fede ca nun serve p’ ‘a duttrina è luce ca nun porta lampadina e dà calore... meglio ‘e na latrina. È sole ca nun timbra ‘o cartellino è fuoco ca nun vole nu cerino e me sta appriesso senza fa’ ‘o mappino... È rosa ca nun pogne cu na spina è frutta ca me regne ‘a petturina e tutt’ ‘e juorne è festa giesummina. È casa ca n’aspetta nu pustino è cielo ca nun gira c’ ‘o piattino e sona alleramente ‘o cuncertino. È freva ca nun coce e me strascina è ammore ca nun porta ‘a surdiglina e me guverna comme a na reggina... È vocca ca s’accocchia c’ ‘o latino è strata ca nun sbaglia maie ‘o cammino e scrive ‘a vita senza ausa’ ‘o pennino.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese