Lettera ‘e Natale ‘24
Peppe Cassese
2167 poesie pubblicate
+ Segui
E pe’ Natale tuorne ‘nchiett’a fede
ca cerca sulamente chi pruvvede
e a chesta vita ‘o poco ‘e verità
sapenno e nun sapenno addò starrà.
E c’ ‘o Natale fa schiuva’ ‘a speranza
ca pe’ na vota te cagnasse ausanza
mettenno dint’a sacca ‘o tiraturo
‘e chi c’ ‘o friddo va scacanno annuro.
E stu Natale damme nu culore
ca ‘e chesta terra fosse ‘ncantatore
e recitasse cu l’avummaria
c’ ‘a chiocca e ‘o core l’urdema poesia.
E pe’ Natale stute quacche vocca
ca se ‘mparata una filastrocca
e dice notte e juormo ‘a stessa cosa
credennese maesta e speretosa.
E ‘a notta santa canta assieme a me
sapenno quanno è bello a sta’ cu te
mmiezo a sti sante diavule e madonne
ca vanno zunzulianno mmiez’ a l’onne.
E stu Natale justo nu mumento
famme allucca’ ca songo assaje cuntento
e canto e sono oi Nì tutto priato
spannenno ‘a voce ca tu sì turnato!
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
La bacheca della poesia
Le sensazioni lasciate dai lettori.
Versi molto belli e profondi (Ausilia Giordano)
Commenti (1)
Accedi per lasciare un commento.Accedi
Ausilia Giordano20 dicembre 2024
Sempre allertato su tutto e soprattutto sulla poesia in dialetto napoletana, sei un maestro! Grazie per i testi che ci regali, tanto impegnativi da leggere. Non è facile saper interpretare e manipolare una cultura come i dialetti. e tu vai avanti imperterrito nello scrivere, e intanto, i tuoi personaggi del Natale viaggiano e si spostano "zunzulianno mezz’ a l’onne". Complimenti poeta!