Nannina e Giacchino
Peppe Cassese
2167 poesie pubblicate
+ Segui
Nuie simmo ‘e testimone ‘e sta nuttata
addò ca ‘a storia è appena accuminciata
addò ca ‘o suonno dorme assaje priato
addò ca ‘a gente ‘ntona ‘o gloriapate.
Nuie simmo ‘e cumparielle ‘e chistu spanto
addò ca l’uocchio s’è scurdato ‘o chianto
addò ca ‘o sole vene a fa’ ‘o quaranta
addò l’ammore vence e nun se vanta.
Nuie simmo ‘e primm’alette ‘e chesta vita
addò ca ‘a ‘ndicchia se fa margarita
addò ca ‘o vino n’addeventa acito
addò ca ‘o juorno dorme int’ ‘o pulito.
Nuie simmo ‘e mullechelle ‘e chesta croce
addò ca l’acqua scorre fresca e doce
addò ca ‘o cielo fa rifornimento
addò ca ‘o bbene cresce lento lento.
Nuie simmo ddoje scartoffie... dduje sciaurate
ma pe na vota ‘a sciorta ci ha vasato
pecché mo’ dammo sciato a nu Criaturo
ca chesta notte ha scancellato ‘o scuro.
Io so’ Nannina ‘a vacca pellerina
e io so’ Giacchino ‘o ciuccio pullecino
e ‘o Ninno ca vedite è ‘o primmo attore
chillo ca porta ‘nterra fede e ammore.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
La bacheca della poesia
Le sensazioni lasciate dai lettori.
Troppo carina! bComplimenti! (Ausilia Giordano)
Commenti (1)
Accedi per lasciare un commento.Accedi
Ausilia Giordano25 dicembre 2024
"Nuie simmo ...". Loro sono i veri testimoni della Notte Santa, deputata a portare Amore nel mondo. E come loro, ogni uomo dovrebbe meditare e rendersi conto di che cosa possa essere una tale Storia straordinaria e misteriosa. Dio si rivela all’uomo. Testo meraviglioso, in quartine e con ritmo baciato. Complimenti per le tue alte capacità nel destreggiare il dialetto napoletano. Infiocchettato!