Dialettali 1 gennaio 2025 · lettura 1 min · 840 letture

+ Segui

Buon anno bella gente p’ ‘o ricco e p’ ‘o pezzente pe’ tutte quante ‘e juorne ca ce starranno attuorno cu fede e cu speranza senza nu male ‘e panza. Buon anno pecceré si ‘o passo ‘nzieme a te c’ ‘o russo ‘e chesta foja caccianno ‘a paranoia c’ ‘o janco d’a certezza ca ‘o munno e ‘a chiocca apprezza c’ ‘o verde ‘e chesta Terra ca famme e vita ‘nzerra. Buon anno a pate e mamme ca vanno gnamme gnamme annante areto ‘e late cu nonne sore e frate c’ ‘o scisto ‘ncoppa e sotto c’ ‘o meglio sittantotto. Buon anno a chesta e a chillo c’ ‘o sciato ‘e nu verzillo ca saglie scenne e vola e gghiesce ‘a fora Nola cu arte e cassesia ‘e sta passiona mia. Buon anno a spuorche e sante buon anno a tutte quante c’ ‘a capa e ‘a fantasia cu te Gesù e Maria cu San Giuseppe appriesso ca resta sempe ‘o stesso. Pe’ nuie pe te e pe’ me BUON ANNO PINTO ‘E RE!

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese