Dialettali 8 gennaio 2025 · lettura 1 min · 672 letture

+ Segui

E sento sotto ‘o friddo ‘e chesta mano nu core ca s’abbruscia pe’ sape’ e tu ca rieste sempe nu nulano me guarde e m’addimmanne chi e pecchè... E ‘a vocca ca nun dice na parola ‘ncoppa a sta terra santa ancora ‘ntrona e ie ca so’ nu figlio ‘e chesta scola te segno e attenno allero ll’ora bbona... E ‘o tiempo ca vulesse scancella’ nu suonno ca se sceta ‘mpertinente me conta ca sul’isso po’ ‘mpara’ sta chiocca ca se regne stantemente... E ‘a penna ca t’ha fatto cumpagnia scrivenno ‘ncoppa a carta e dint’a ll’aria me mosta puntualmente chella via ca scorre troppo ‘nfame e sulitaria... E ‘a gente guarda ‘o cielo c’ ‘a speranza ca ‘o sole mette ‘a veste cchiù lucente p’ ‘o munno ca stipato int’a na stanza cecato nun canosce e nun ce sente. E tu ca sì nu masto ‘ncantatore te miette a ricama’ miez’a sta chiazza nu suonno ca s’attoppa cu l’ammore cercanno ‘e fa sceta’ sta bella razza.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese