Dialettali 26 marzo 2025 · lettura 1 min · 487 letture

+ Segui

E m’ ‘o bevo quann’ ‘o tiempo dice basta e nu surso doce e amaro se cuntrasta e sta smania strelleccata scenne e vola mente ‘a lengua se ‘ncapriccia e se cunzola. E sul’isso abbraccia ‘o cielo cu st’addore ca me enchie capa e core c’ ‘o sapore e stu bbene d’a matina fino ‘a sera m’accumpagna comme fosse na spallera. E sta forza ca me piglia me dà sciato mente ‘a vocca sona e canta stu peccato ca m’afferra v’ ‘o cunfesso e so’ cuntento... o so’ quatto oppure sette nun me pento. E m’ ‘o bevo micio micio ‘nzieme a l’ate ca scusate ‘a cunferenza me so’ frate cu sta ggente tutt’aunita int’a sta chiazza mente ‘o sole trase e aesce ‘a dint’a tazza.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese