Dialettali 16 aprile 2025 · lettura 1 min · 422 letture

+ Segui

E miez’ ‘e strate passa na prumessa ca vola e te rummane sempe ‘a stessa dicenno ca stu cielo cerca a te c’ ‘o sciato ‘e chi s’appara a pruvvede’. E dint’ ‘o piatto ‘a carne ch’era pane se cagna e po’ se scagne int’a sti mmane e ‘o sango ca primm’era sulo vino te regne ‘o core e timbro ‘o cartellino. E ‘ncopp’ ‘a croce chiagne nu criaturo ca chiamma ‘o pate e ca se sente annuro senza sape’ ca ‘o cielo l’ammesura ‘nfaccia a na notte taccagnosa e scura. E ‘nchiett’ a ll’aria vola ‘a grazie ‘e Dio ca scenne e saglie comme a nu vulio ca cerca ‘n’ata vita e ‘n’ata storia currenno e cumbattenno p’ ‘a vittoria. E justo ‘mpietto sbatte na certezza cusuta mano a mano cu na rezza c’abbraccia ogne mumento chillu munno ca cu l’ammore fa squaglia’ ‘o sprufunno.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese