Dialettali 7 maggio 2025 · lettura 1 min · 439 letture

+ Segui

Maggio è masto maggio è tuosto tene sango corna e posto e te dice ogne matina ca sta vita toja è reggina. Maggio ride maggio canta e d’ ‘o sole se ne vanta cu sta luce ca s’allumma pure ‘mbraccia a’ fracetumma. Maggio è chisto maggio è chella ca se penza guagliuncella e vulenno fa’ ‘a pacchiana leva e mette ogne suttana. Maggio è frutte maggio è mamma e te porta sciorta e famma dint’ ‘a chiocca dint’ ‘o core e appicciato scagna ammore. Maggio è mo’ maggio è dimane sape fa’ ‘o scazzellacane e allecorda ogne mumento: “Songo masto e so’ purtento!”

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese