Dialettali 4 giugno 2025 · lettura 1 min · 382 letture

+ Segui

Dint’ ‘a casa d’ ‘a paura quanno ‘a mamma nun te cura tutt’ ‘a vita è na scummessa pecché ‘o tiempo è perepessa pecché dinto a ogne stanza s’annasconne ‘o male ‘e panza pecché ‘e mane so’ ‘ammescate cu ‘e meneste cchiù ‘nzevate. Dint’ ‘a casa d’ ‘a speranza quanno ‘a mamma è na valanza fa ‘a maesta e fa ‘a reggina stanno accorta a ogne spina pecché sape c’ ‘a campata nun se storce si è curata pecché ‘e vote pure ‘o gas a fa’ guaje assaje se spass. Dint’ ‘a casa d’ ‘o turmiento quanno ‘a mamma corre a viento ‘o diavulo è fetente. Nun’ ‘a penza e nun’ ‘a sente pecché appiso a ogne filo ce sta isso ‘mpilo- mpilo pecché areto a ogne lastra t’ ‘a appizzato ‘o peggio ‘nchiastro. Dint’ ‘a casa d’ ‘a certezza quanno ‘a mamma è na futezza notte e juorno sì priato e te truove assicurato. Essa tratta attentamente ogne cosa overamente e te ‘ntrocchia chiocca e core vita e sciorta cu l’ammore.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese