Dialettali 11 giugno 2025 · lettura 2 min · 475 letture

+ Segui

Nun ‘mporta si sì janco oppure ‘e ramma... Nun conta si sta vocca parla stramma... me basta ca ogne tanto cu sta mano me piglia e m’accumpagna assaje luntano. È brutto quanno ‘o schianto storcia ‘a faccia e ‘o mare sott’ ‘o viento te minaccia... ma penzo ca tu sì comme songo io carne passione anema e vulio. Ce sta chi nasce e campa furtunato e chi ‘ncoppa a sta terra è scarugnato... Chi trova ‘a porta aperta ogne matina e chi lassato ‘nterra se strascina... Chi tene mamma e pate e sape ‘e ammore e chi d’ ‘o bbene sente sulo addore... ‘A vita è disgraziata... che vuò fa’ ma ‘e vote cu nu poco ‘a può cagna’. Basta ca aiesce for’a stu balcone cu lacreme ‘ntrunate e famma stese ca stanno dint’a ll’aria ‘e na passione e abbracce tutt’ ‘a ggente e sì cassese spartenno cu l’afflitto ogne scajenza calanno dint’ ‘a ll’acqua sciorta e ardenza. Nun ‘mporta si sì russo oppure giallo... Nun conta si ‘a gallina face ‘o vallo si vene primma ‘o zallo oppure ‘o rrè... T’abbasta ca pe’ fede e pe’ speranza assieme ‘a chiocca te se regne ‘a vranza.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese