Dialettali 18 giugno 2025 · lettura 1 min · 408 letture

+ Segui

E tu m’he miso ‘e mmane ‘ncoppa a’ carta ‘mparanneme nu poco sta scrittura ca mo’ turmiento e mo’ pe scagno n’arte me chiamma m’accumpagna e m’ammatura. E tu m’he miso ‘a vocca ‘ncopp’ ‘o core ‘mparanneme stu munno sfrantummato ca mo’ buffone e mo’ miezo signore se ‘mpiccia ce guverna e fa ‘o malato. E tu m’he miso ‘e mmane int’a sta chiocca ‘mparanneme cu genio a raggiuna’ e io ca so’ nu figlio ‘e chesta vocca te sento t’arricordo e mo’ staie cca. E mo’ ca chesta gente è senza ‘e te s’è miso tutt’aunita a tartaglia’ ma ‘o core appretta ‘a capa e vo’ sape’ si ‘a mano ‘ncoppa ‘a carta po’ smania’... E scrivo c’ ‘a passione ‘e nu criaturo surtanto e sulamente ddoie parole: “ Guaglione ‘e nuvant’anne... io cca t’o giuro: a chesta vita tu ci aie fatto scola! “

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese