Dialettali 30 luglio 2025 · lettura 1 min · 352 letture

+ Segui

L’ammore ca m’haie dato è ammore mazzecato ammore fatto ‘e pressa ‘nciaruso e taccagnuso ca è stato comme è stato c’ ‘a grogna ‘e chi è futtuto c’ ‘a freve ‘e chi ha perduto tra ciento e ciento mane cusuto chianu chiano. L’ammore ca m’haie dato è ammore abbuttunato ammore fatto ‘e ggesso tignuto e addecuttuto ca t’aggio assaje pavato cu tutte ‘e litanie sbattute miezo ‘e vie tra ciento e ciento fuoche stutate a poco a poco. L’ammore ca m’haie dato è ammore c’ha ‘mparato ammore mai cchiù ‘o stesso pezzente e strafuttente ca nasce trezzejato c’ ‘a voglia ‘e fa’ dispietto cu na paturnia ‘mpietto tra ciento e ciento sere sbiate allere allere.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese