Dialettali 13 agosto 2025 · lettura 1 min · 354 letture

+ Segui

‘O tiempo sta bussanno e cerca tiempe... Arape chesta porta: è sulo ‘a toia e trasece cu genio e fantasia senz’ ‘a paura ‘e spuntuna’ sta via. Quanno nu juorno dice ca è fernuto ‘a sera scenne pronta a da’ n’aiuto e sta cu te pe’ tutta n’ata vita rialannete na sciorta sapurita addò ca ‘a terra nun se fa’ matrone addò ca ‘o sole splenne e fa’ ‘o lione. ‘A strata ca mo’ piglie è ‘a cchiù capace e statte certa ca sarrà verace e nun te lassa manco nu mumento sempe pronta a te fa’ nu cumplimento pecché sul’essa te s’assetta ‘nzino e se sceta adderosa ogne matina cuntenta ‘e te truva’ sempe lucente purtanno pane fatto ‘e sfoglia ardente addò ca ‘e suonne ponno suaquiglia’ addò ca ‘o tiempo corre a ricama’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese