Dialettali 20 agosto 2025 · lettura 1 min · 343 letture

+ Segui

‘A pace è na speranza na smania na bannera nu viento scarcagnato ca scioscia ‘a quanno è nato ‘a quanno nu mappino vulette fa ‘o caino. E ‘a tanno è storia vecchia! Caino cchiù caino so’ addeventate mille miliune a centenaro senza fermarse maie... e ‘o suonno ‘e sta abbracciate ca ognuno all’ato è frate ha perzo ‘ncielo e ‘nterra e ancora l’uocchie ‘nzerra. Ma ‘a pace è capatosta! Si pure troppo costa cumbatte e nun se sposta. Te scava fora e dinto facenno ‘o ciuccio e ‘o pinto... Te chiamma e te responne schiantanno pure l’onne... Te cerca e po’ te trova purtanno forza nova... ‘A pace è chesta gente ca preia e ca me sente ca guarda ‘o sole ‘e faccia ca tene chesti braccia pe’ ricama’ sta vita p’ ‘a fa’cchiù sapurita.

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese