Dialettali 3 settembre 2025 · lettura 2 min · 315 letture

+ Segui

Simmo povere e stelle pierrot pittate a pelle a ridere e a sturdi’ a vivere e a scupri’ a sta aunito a ciento ‘ncurdanno lampe e viento pe fa’ p’ave’ pe’ da’ chello ca nun ce sta chello ca può senti’ chello ca ‘a sempe è sì. Nuie simmo carne e sango cumpagne senza banco nocche ca sempe astregneno mane ca nun se regneno. Simmo povere e stelle pezzulle ‘e carta spase a pognere e a sbaria’ a credere e a sunna’ vulenno troppo e niente ‘nnascuse miezo a gente pe’ di’ pe’ da’ p’ave’ nu poco ‘e chi sa che e addò tu mo’ starraie tu llà me truvarraie. Nuie simme aunite e sule cumpagne primmarule ‘e frutte ‘e ogne mumento chitarre int’o turmiento nu sole spurmunato ca a capa t’ha appicciato. Nuie simmo varche ‘e cielo sperdute int’a stu mare ‘e chesta terra amara ca corre e trova niente ca sbatte a tutte ll’ore p’avè nu poco ‘e annore. Simmo povere e stelle ca jocano sta vita ca ogne tanto è bella pecché fra ciento e mille ce sta na brillarella a di’ senza mestiere: “Ie so’ comm’ire aiere!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese