Dialettali 17 settembre 2025 · lettura 1 min · 322 letture

+ Segui

‘A museca nascette ‘mbraccio a Dio c’ ‘o masto quanno ‘a Terra te criaie e ‘a tanno nun te lassa stu vulio e quanno ‘a chiamme vene e sfronna ‘e guaie. ‘A museca... cumpagna sapurita ‘a truove sempe pronta a da’ recrio... te pogne ma te sana ogne ferita t’astregne e nun dice maie “Sì ‘o mio!” ‘A siente comme siente ‘a primmavera... gira p’ ‘o munno areto e ‘mbracci’ ‘o viento scorre int’ ‘o sango e nun se fa bannera e quanno te ‘ncurona è ‘ncantamiento. Surdato ca nun face maie na guerra è famma ca te sazia chi è dijuno è mano ca t’abbranca cielo e terra è nenna ca nun vase maie nisciuno. ‘A museca è ‘a canzone ‘e chesta vita addò chi ‘a sona ‘o core te cunzola addò chi ‘a sente se fa calamita addò ogne nota dint’a ll’aria vola!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese