Dialettali 15 ottobre 2025 · lettura 1 min · 266 letture

+ Segui

E si turnasse a nascere facesse ‘o cusetore ‘e chesta vita ca se smatassa doce e sapurita cu chesta freva chiena ‘e magaria ca sposa pe’ ‘ntramente na buscia. E si turnasse a nascere mettesse ‘o sparatrappo a sta miseria ca cerca notte e juorno na sciammeria pe sfrennesia’ cuntento mmiez’ ‘a chiazza pecché so’ guagliunciello ‘e malarazza. E si turnasse a nascere scegliesse puntualmente sta città vulenno cu piacere sradeca’ sta chianta ca me cresce sempe ‘nzino cu ‘e fronne arricamate ‘e oro fino. E si turnasse a nascere ‘o sole t’ ‘o appuntsse ‘ncopp’ ‘o lietto pe fa’ a sti stelle e a’ luna nu despietto e te cantasse tutt’ ‘e sere ammore ca voce ammartenata ‘e chistu core.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese