Dialettali 12 novembre 2025 · lettura 1 min · 275 letture

+ Segui

Si putesse si vulesse si sapesse e te scaco tutt’ ‘a vita aspettanno ‘a bbona sciorta c’ ‘a speranza ca na porta po’ s’arape pe’ trasi’... Si pensasse si dicesse si facesse e te trovo tanta ggente dint’ ‘o niro ‘e na raggione ca s’è misa a fa’ ‘o lione sott’ ‘o sole a se sfuca’... Si sentesse si capesse si studiasse e ritorno ancora ‘a scola propio ‘a chiocca a me m’ ‘o dice ca ha sunnato cu gli amice strate nove p’ ‘e ‘ntamma’... Si curresse si zumpasse si vulasse saglio e acalo stu sipario strutto rutto e spertusato e chi ‘o sa si aggio ‘mparato chistu munno che po’ da’... Ma si voglio... ma si faccio... ma si studio... ma si saccio... tutt’ ‘o bbene che sta attuorno ie so’ pronto a ll’afferra’ e me sento ‘e piglia’ ‘o terno pecché ‘o core po’ vula’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese