Dialettali 19 novembre 2025 · lettura 1 min · 276 letture

+ Segui

Si ‘e figlie l’aie crisciuto ‘nzieme ‘e suonne e l’aie stentato ‘ncoppa ‘e nonna- nonne luntano ‘a tutte ‘e lacreme pittate sì mamma ciento vote e sì accapata. Ma si te l’he crisciuto a vienitenne pecché tenive ‘a fa’ ‘a spicciafacenne scurdannete ca so’ mare ‘mpacchiato chella ca sì ‘o sape Dio lodato. Si t’a tenuto stritte int’e tempeste e t’è tirato fore ‘e juorne ‘e festa luntano ‘a chillu munno ch’ è sparuto sì mamma overamente e sì talluta. Ma si te sì attaccata a chistu piatto pecché d’a vita t’appaura ‘o sfratto scurdannete ca so’ carne ‘e dimane chella ca sì è nu murzillo ‘e pane. Si ogne vota c’ha girato ‘a sciorta tu l’aie lassato sempe aperta ‘a porta luntane a tutte ‘e ma e ‘e statte attiento sì mamma grannezzata a schiattaviento. Ma si sì asciuto c’o te l’aggiu ditto pecché sta vocca nun se sta maje zitta scurdannete ca so’ strate ‘ntammate chella ca sì è voce senza sciato.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese