Dialettali 31 dicembre 2025 · lettura 1 min · 266 letture

+ Segui

Buon anno ‘e conseguenza ‘o dice zi’ Vicenza ca dato ‘a cunfidenza m’ha chiuso int’ a dispenza. Buon anno a Piripicchio c’ ‘o poco e c’ ‘o paricchio ca si se scorda ‘o sicchio le vene ampressa ‘ o ticchio. Buon anno a chist’ammore ca ormai nun conta ll’ore e dato ca è duttore te cura ogne delore. Buon’anno a masta’Austino ca senza ‘o mantesino va in giro c’ ‘o piattino c’ ‘a tromba e c’ ’o viulino. Buon anno a chi se ‘ngrassa a chi cu me s’ ‘a spassa a chi cu sta matassa me piglia e nun me lassa. Buon anno a Bracalà ca campa pe’ campa’ e comme a nu babà è doce cchiù ‘e mammà. Buon anno a tutt’e fesse a chi va sempe ‘e pressa a zelle e perepesse d’ ‘a vita na scummessa. Buon anno e bbon’annata priata a furtunata cianciosa e ammartenata: che granne serenata!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese