Dialettali 25 febbraio 2026 · lettura 1 min · 212 letture

+ Segui

‘A vorpa ca sapimmo è trafechina venette a museca’ int’ ‘a matina pe’ na campagna e comme s’accurgette ‘e na pigna ‘e uva cchiù durcetta fu pigliata d’ ‘a voglia ‘e s’ ‘a magna’ e zumpettianno cercava ‘e l’arraffa’. Ma chella steve ‘ncielo sustenuta e dicette “gnor no” a la speruta... ‘A vorpa se facette vummecosa e mente se ne ieve schifenzosa scramaie lassanno chella lazzarella: “ Tu nun sì degno ‘e me! Sì scacazzella! “ Fanno sempe accussì chilli campiune ca quanno ‘a malasciorta ‘e fa diune danno ‘a corpa ‘ntramente a na carace e maje tu ‘e siente ‘e dì: “Nun so’ capace!“

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese