Pecché 2
Peppe Cassese
2167 poesie pubblicate
+ Segui
Pecché ‘a sciorta è cuntentezza
pecché ‘o core nun se spezza
‘ncoppa a sta croce ‘e acciaro
ca cchiù ‘e nu fucularo
riala nu calore ‘e ammore fino
ca me se schioppa ‘nzino e m’ammesura.
Pecché ‘o juorno nun fa ‘a sera
pecché ‘a morte è primmavera
‘mbraccio a sta gente ‘e suonne
‘nchietta a sta nonna- nonna
ca canta na passione ‘e cielo nuovo
ca me ‘nzerra senza chiuovo e me spaura.
Pecché ‘a fede è cumpagnia
pecché ‘nforca chella via
strata nova strata vecchia
ca me carma ogne vessecchia
ca me piglia c’ ‘a speranza ca saje tu
ca pe’ sempe me dà ‘e cchiù e me cattura.
Pecché regne ogne parola
pecché ancora me fa scola
cu stu genio ‘e me sguiglia’
fatto sulo ‘e verità
addo trovo ‘a meglia forza e chillu scisto
ca me porta ‘mbraccio a Cristo e m’affattura.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
Commenti (1)
Accedi per lasciare un commento.Accedi
Marcella Usai2 aprile 2026
Questo testo di Peppe Cassese è una poesia intensa e profondamente spirituale. Esprime un senso di speranza e fede anche nelle difficoltà, descrivendo il conforto che viene dall’amore, dalla compagnia delle persone care e dalla relazione con Cristo. La ripetizione di “Pecché” dà un ritmo quasi cantilenante, che rende la lettura avvolgente e meditativa, facendo emergere lo stile inconfondibile del poeta. Grande Peppe.