Dialettali 3 giugno 2026 · lettura 1 min · 123 letture

+ Segui

E si a parla’ è stu core nun po’ truva’ parole pe’ di’ cu tutt’ ‘a forza ca sì na bella scorza na trave ‘e chesta scola c’ancora zompa e vola. E si a parla’ è sta chiocca se scemunisce ‘a vocca e resta ‘mpantasata annante a sta pupata ca ha dato cu abbunnanza senza scaca’ ‘a valanza sapenno mastria’ comme ce vò e se fa. E si a parla’ è sta penna propio essa nun s’arrenne pecché ‘ncopp’a sta carta te fa ‘nzammata ‘a sarta e cose pe’ semmane scrianno chesti mane scrivenno senza posa ca sì ‘a cchiù granna rosa nu sciore prufumato ca ‘a vita ci ha signato na stella ‘mpertinente smaniosa e resbrennente ca tanta luce dà ca maie se po’ stuta’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese