Dialettali 10 giugno 2026 · lettura 1 min · 127 letture

+ Segui

Nu sì pe maje ferni’ pe farte ‘ncannari’ pe fa’ ca po’ sta vocca ogne matina schiocca e dice: “Bene mio sì comme te vogl’io|” Nu sì pecché accussì te faccio ‘nfanfari’ senza truva’ arricietto senza cagna’ maje lietto scartanno ‘a sciacquatura senza tene’ paura. Nu sì pe t’abbelli’ cercanno ‘e te scupri’ pecché cu te sta vita s’è fatta sapurita e m’ha regnuto ‘e scisto ‘a chiocca e stu canisto. Nu sì ca vo’ sparti’ ‘o tiempo p’ ‘o ‘mbutti’ cu ammore e c’ ‘o piacere ‘mpanuto comme ajere pe vencere ‘a scummessa cusuta int’ ‘a prumessa. Nu sì e ancora sì e mo t’o stongo a dì pecché ne songo tante cu tutt’ ‘e juorne sante pecché stanno cu te io sguattera e tu rrè! Nu sì pe maje muri’ ca nun po’ maje abburti’ pecché tu sì cemento ‘o meglio sacramento pecché cu sta duttrina io schiavo e tu reggina!

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese