Duttore prufesso’

Duttore prufesso’ filosofaro sta vocca toja si canta maje nun stona se sente ‘e arricama’ e ‘a terra ‘ntrona sapenno ca stu figlio è vanto raro. Sí masto ‘e chistu munno valanzaro c’ ‘a forza ca te afferra e te ‘ncurona pe fa capi’ sta mano quanno sona é ‘a meglia zinfunia ‘e nu campanaro. Ogge se parte e po’ dimane arriva addó ‘a speranza ha miso ‘e scarpe ‘e lusso e ‘a chianta ca era morta torna viva int’a sti bracce addó stu sole é russo e ‘o tiempo ca mo’ scenne ‘ncoppa ‘a riva nun corre ma se ferma int’a stu musso e comme a pietterusso te canta int’a chest’aria fresca e nova e ‘a vocca aunit’a chiocca è ‘a meglia prova.